გილოცავთ ახალ 2016 წელს!!!

ვრცლად

ისტ-ის პრაქტიკოსი მასწავლებლებისთვის ტრენინგები

მასწავლებელთა პროფესიული განვითარების ეროვნულმა ცენტრმა ისტ-ის პრაქტიკოსი მასწავლებლებისთვის ტრენინგები დაიწყო.

მასწავლებელთა პროფესიული განვითარების ეროვნულმა ცენტრმა დიწყო ინფორმაციულ- საკომუნიკაციო ტექნოლოგიების მასწავლებელთა ტრენინგი “ზოგადი კურსი პრაქტიკოსი მასწავლებლებისთვის ინფორმაციულ-საკომუნიკაციო ტექნოლოგიებში“.

პირველ ეტაპზე ტრენინგს გაივლიან ინფორმაციულ-საკომუნიკაციო ტექნოლოგიების ის პრაქტიკოსი მასწავლებლები, რომლებიც დარეგისტრირდნენ და ემზადებიან 2016 წლის იანვარში დაგეგმილი საგნის გამოცდის ჩასაბარებლად.

სატრენინგო პროგრამა ხელს უწყობს პრაქტიკოსი პედაგოგებისსაგნობრივი ცოდნის გაღრმავებას. ასევე ითვალისწინებს მასწავლებლის საქმიანობის დაწყების, პროფესიული განვითარებისა და კარიერული წინსვლის სქემით გათვალისწინებული საგნის გამოცდისთვის მომზადებაში ხელშეწყობას.

ტრენინგის მიმდინარეობისას მასწავლებლებს საშუალება ექნებათ გაეცნონ სასერტიფიკაციო გამოცდის მოთხოვნებს, საგამოცდო ტესტის სტრუქტურას, დაადგინონ საკუთარი ძლიერი და სუსტი მხარეები, რათა უკეთ დაგეგმონ გამოცდებისათვის მზადების პროცესი და დახვეწონ ტესტის შევსების ტექნიკა.

ტრენინგები საქართველოს 8 ქალაქში - თბილისში, გორში, თელავში, ქუთაისში, რუსთავში, ბათუმში, ზუგდიდსა და აბაშაში ჩატარდება.

სრული ინფორმაციისთვის დარეკეთ ნომერზე: 2 200 220 (49-58)

წყარო: http://tpdc.ge/?action=news&lang=geo&npid=494

ვრცლად

ყურადღება! კონკურსი!!!

      ინოვაციური განათლების ფონდი, მასწავლებელთა პროფესიული განვითარების ეროვნულ ცენტრთან ერთად აცხადებს კონკურსს მასწავლებელთათვის „სასწავლო პროექტის საუკეთესო პორტფოლიო 2015“. 

კონკურსში მონაწილეობა შეუძლიათ მასწავლებლებს, რომლებმაც 2014-2015 წლებში გაიარეს ინტელის ძირითადი ტრენინგკურსი - პროექტებით სწავლება და ინფორმაციულ-საკომუნიკაციო ტექნოლოგიების ინტეგრირება.

კონკურსში წარმოსადგენია ზემოთ აღნიშნული ტრენინგკურსის მიდგომებზე დაყრდნობით შექმნილი პროექტის დასრულებული პორტფოლიო ყველა შესაბამისი დოკუმენტით, ასევე ამავე პროექტის სასწავლო პროცესში განხორციელების ამსახველი მასალები (მოსწავლეთა ნამუშევრები, ფოტო/ვიდეო რესურსები და ა.შ.). 
კონკურსში მონაწილეობის მსურველმა მასწავლებელმა უნდა შეავსოს „სასწავლო პროექტის საუკეთესო პორტფოლიოს 2015“-ის ონლაინ სარეგისტრაციო ფორმა. რეგისტრაციისას მონაწილემ უნდა მიუთითოს Google Drive-ზე ატვირთული სასწავლო პროექტის პორტფოლიოს ბმული. ასევე, ბლოგის URL მისამართი, რომელზეც Google Drive-ზე ატვირთული განხორციელებული სასწავლო პროექტის პორტფოლიოს ბმულთან ერთად განათავსებს ამავე პროექტის რესურსებს.
გამარჯვებულები გამოვლინდებიან საგნობრივი ჯგუფების მიხედვით. ნამუშევრების შეფასებისას გამოყენებულ იქნება სასწავლო პროექტის გეგმის შეფასების კრიტერიუმები. ასევე, გათვალისწინებული იქნება წარმოდგენილი პორტფოლიოების სისრულე და პროექტის განხორციელების ამსახველი მასალები. გამარჯვებული მასწავლებელი მონაწილეობას მიიღებს ინტელის საგანმანათლებლო პროგრამების შემაჯამებელ წლიურ კონფერენციაში, რომელიც გაიმართება 2015 წლის 16 დეკემბერს მასწავლებელთა პროფესიული განვითარების ეროვნულ ცენტრში.
კონკურსის გამარჯვებული მასწავლებელი სხვა პრიზებთან ერთად მიიღებს პროფესიული განვითარების 1 კრედიტს. 
განაცხადების მიღების ბოლო ვადაა 2015 წლის 1 დეკემბერი.

https://docs.google.com/forms/d/1py2hYuoqqiufm6WyVby2DqtNZQSSwHUuZ0Pql4HGwec/viewform

ვრცლად

კონკურსი ლეონარდო დავინჩი

შოთა რუსთაველის ეროვნულმა სამეცნიერო ფონდმა გამოაცხადა 2015 წლის მოსწავლე გამომგონებელთა და მკვლევართა კონკურსი „ლეონარდო და ვინჩი“.

კონკურსის მიზანია ზოგადსაგანმანათლებლო დაწესებულებებში მიმდინარე რეფორმების ხელშეწყობა; სასწავლო პროცესის სტიმულირება-სრულყოფა, სწავლისადმი ინტერესისგაღვივება; ინოვაციებისა და ტექნიკის მიმართ მოსწავლეთა ინტერესის გაღვივება; შემოქმედებითი აზროვნებისა და პრაქტიკული უნარ-ჩვევების განვითარება. 

კონკურსში მონაწილეობა შეუძლია საქართველოს ზოგადსაგანმანათლებლო დაწესებულების (სახელმწიფო და კერძო სკოლების) VII-XII კლასის მოსწავლეს.

კონკურსის ადმინისტრირების განრიგი:                  

• 15/10/2015 16:00 სთ - ელექტრონული განაცხადების გამოგზავნის ბოლო ვადა;
• 16/10/2015,16:00 სთ - კვლევის გეგმის/პირველადი იდეის და შევსებული 

საგანაცხადო  ფორმის  კანცელარიაში შემოტანის ბოლო ვადა;

• 23/10/2015 - პირველი ეტაპის შედეგების გამოცხადება;
• 30/11/2015,17:00 სთ - მეორე ეტაპზე საკონკურსო განაცხადის  ელექტრონულ 

ბაზაში რეგისტრაციის ბოლო ვადა;

• 01/12/2015,18:00 სთ განაცხადი კონკურსში მონაწილეობის შესახებ და საილუსტრაციო ნახაზი/მოდელი/მაკეტი რაიონულ რესურსცენტრში, ან ფონდის 

კანცელარიაში რეგისტრაციის ბოლო ვადა;

• 10.12.2015-საკონკურსო კომისიის მიერ ფინალისტების შერჩევა;
• 18.12.2015-საკონკურსო კომისიის მიერ გამარჯვებულის გამოვლენა

დეტალური ინფორმაცია, კონკურსის პირობების შესახებ იხილეთ ბმულზე - http://rustaveli.org.ge/index.php?module=topic&page=detals&topic_id=18&id=1782

გთხოვთ, აღნიშნული ინფორმაცია გაავრცელოთ თქვენს სკოლაში, რათა სურვილის შემთხვევაში მოსწავლეებმა შეძლონ მონაწილეობის მიღება.

ვრცლად

ძველ სქემაში ჩართული მასწავლებლების შეფასების წესში ცვლილება შევიდა

სსიპ - მასწავლებელთა პროფესიული განვითარების ეროვნული ცენტრის დირექტორის N05-95 ბრძანებით დამტკიცებულ „მასწავლებელთა პროფესიული განვითარების სქემაში“ ჩართულ “მასწავლებელთა შეფასების წესში“ ცვლილება შევიდა. წესის მიხედვით, ძველ სქემაში ჩართული მასწავლებლები აღარ არიან ვალდებულნი, წარმოადგინონმასწავლებელთა პროფესიული განვითარების ეროვნული ცენტრის მიერ ჩატარებულიტრენინგის, სტაჟირების ან კონფერენციაში მონაწილეობის დამადასტურებელი დოკუმენტი. ამასთან, შეიცვალა და გამარტივდა განაცხადის ფორმა. შეფასების წესი განაცხადის ფორმა შეფასების რუბრიკები eSchool-ში ატვირთვის ინსტრუქცია დამხმარე ინსტრუმენტები

სიახლეების არქივი04 სექტემბერი , 2015

ვრცლად

ეროვნული სასწავლო გეგმები 2016-2021 ისტ

ამ პოსტში მინდა შემოგთავაზოთ 2016-21 წლების ისტ ეროვნული სასწავლო გეგმის პროექტის განხილვა. ჯერჯერობით ის პროეტის სახითაა წარმოდგენილი და გარკვეულწილად გაშალაშინებას მოითხოვს.

ძალიან მნიშვნელოვანია ამ პროცესში თქვენი მონაწილეობა და კონტრიბუცია.

მიაქციეთ ყურადღება მნიშვნელოვან ცვლილებებს: პირველ კლასში ამოღებულია ისტ სწავლება როგორც ცალკე საგანი

ისტ ცალკე საგნად დამატებულია 2 კლასში -- მე-7 და მე-8ში. მაგრამ ოთხივე კლასში ერთად საათების რაოდენობა იგივე რაც ადრე იყო. ანუ მომავალი სასწავლო წლიდან იქნება თითო საათი მე-5, მე-6, მე-7 და მე-8 კლასებში. მომავალის წლის მე-6 კლასი გააგრძელებს ძველი პროგრამით კვირაში 2 საათი.

სხვა მხრივ ზოგადი უნარების და საგნის  სტანდარტში რაიმე მნიშვნელოვანი ცვლილება შეტანილი არ არის.

პროექტის მიხედვით ცვლილებები აისახება გამჭოლ კომეტენციებში და იქ ისტ-ის როლი მეტად გაძლიერდება. (მე ეჭვები მღღრნის მაგრამ ამაზე მოგვიანებით ცოტა ქვემოთ)


ახლა კი გთხოვთ ყურადRებით გაეცნოთ სტანდარტის პროექტს და გამოთქვათ თქვენი აზრი, ეჭვი, კრიტიკა, ქება, კომპლიმენტი, ლანძღვა (ზომიერების ფარგლებში) და კომენტარები წერილობით, ფოსტით ნებისმიერი, თქვენთვის ხელსაყრელი ფორმით...

ნახეთ ბმულები  (შესაძლოა ბმულებმა არ იმუშაოს, რადგანაც პირდაპირი ბმულებია და ჩემდა დაუკითხავად ცვლიან)თუ ბმული არ იმუშავებს, მომწერეთ კომენტარებში და გავასწორებ..

ეროვნული სასწავლო გეგმების პორტალი

  

		ისტ-ის ზოგადი უნარების სტანდარტი (08.07.2015)
		ისტ-ის საგნობრივი სტანდარტი (30.07.2015)

მნიშვნელოვანია არ გამოგრჩეთ ცალკე ციფრული წიგნიერების სტანდარტი (ეს არის ის რაც კონკრეტულად ისტ-ს ეხება გამჭოლი კომპეტენციებიდან)



______________________________________________________

ამ აბზაციდან კი ამ ტემასთან დაკავშირებით ჩემს აზრს გამოვთქვამ

აქ მხოლოდ პირველ კლასში ისტ-ის სწავლება/ არ სწავლებაზე მექნება საუბარი

აუცილებლად უნდა ისწავლებოდეს ის უნარები, რაც სჭირდება მოსწავლეს 1-4 კლასში, 

ისტი-მნიშვნელობის ასამაღლებლად გამჭოლ კომპეტენციებში მეტი დოზით უნდა ჩაიდოს ციფრული წიგნიერების ელემენტები, მაგრამ ძალიან ხშირად ჭირს ძირითადი სტანდარტების მიღწევა და ამ პირობებში ამ საგნის მხოლოდ გამჭოლ კომპეტენციაში გადატანა ამ საგნის მნიშვნელობას და როლსშეამცირებს.

პედაგოგს ხ ასოს შესასწავლად შეუძლია უამრავი რესურსის გამოყენება:

დაფაზე დაწერა, სახელმძღვანელოს 25-ე გვერდზე ანახა, სურატი უჩვენა, უმღერა, უცეკვა, კომპიუტერში უჩვენა და აქ სტოოოოპ. როგორც კი კომპიუტერზე ჩვენება გადაწყვიტა აღმოჩნდა რომ 

ერთ მოსწავლეს კომპიუტერი არ აქვს

მეორეს დატენილი არ აქვს,

მეოთხემ ჩართვა არ იცის

მეხუთეს გაეჭედა

იქ ქსელი არ არის

ამდენი მასწმაც არ იცის  და გადავიდა გეგმა ბეზე- დაფაზე დაწერა, , სახელმძღვანელოს 25-ე გვერდზე ანახა, სურატი უჩვენა, უმღერა, უცეკვა....

აბა რატომ აიტკივოს აუტკივარი თავი და ბავშვებიც რატომ აწვალოს?

მერე რა რომ რაღაც გამჭოლ კომპეტენციებს ვერ მიაღწია? მერე რა რომ ციფრული უნარჩვევევბის განვითარება ვერ შეძლო (არც ისეა საქმე, ზოგთან შეძლო, 20-25%თან)

 რამდენადაც პირველივე სემესტრიდან სჭირდებათ ბუკები, პირველივე სემესტრში უნდა ისწავლებოდეს ყველა ის უნარი, რაც დასჭირდება მოსწავლეს 1-4კლასში, თუ ეს ნახევარი სემესტრი საკმარისი არ არის, ანუ ვთქვათ მესამე კლასში ვებ გვერდზე შესვლა სჭირდებათ და პირველ კლასში არ უსწავლიათ, მაშინ მსგავსი რაღაცები კიდევ რომელიმე კლასში უნდა დაემატოს 

პირველ კლასში თუ მენეჯმენტის (კლასი მართვის) პრობლემაა, მაშინ  ის ასოების სწავლაც ამოვიღოთ?

ახლა პრობლემა, ვინ ასწავლოს.

აუცილებლად დაწყებითის პედაგოგმა. აუცილებლად. (იგივე პრობლემა შეექმნა უცხო ენის სწავლებასაც) და მაშინ არ იქნება დაჯექი, ნუ ხმაურობ, ვაი რა ვქნა პრობლემები. ისტის პედაგოგისთვის მენეჯმენტი ყოველთვის გადაუჭრელი პრობლემა იქნება, ისტის პედაგოგები ყოველთვის არგუმეტად მოიტანენ რომ ეს ბავშვები ადგილზე ვერ ისვენებენ, მაგრამ დაწყებითის პედაგოგმა იცის მათი ყურადღების კონცენტრირების წამლები....  და ვიანიდან მათ გავლილი აქვთ ისტ ტრენინგები, ადვილად გაართმევენ თავს პრობლემას -- ბავშვებს ელემენტარული ოპერაციები ასწავლონ.

რაც შეეხება ელემენტარულ ოპერაციებს, ნუ გამოვალთ იმ მითიდან, რომ ესენი ბავშვებმა ისედაც იციან, და ბავშვებმა მასწებზე უკეთ იციან. მათ არ იციან ელემენტარული საქაღალდის შექმნა, ან კომპიუტერი როგორ უნდა გამოირთოს. მართალია, რომ ისინი ძალიან სწრაფად ითვისებენ, მაგრამ ეს არ ნიშნავს იმას რომ მათ ეს იციან. მაღალ კლასებშიც კი მოსწავლეთა ალბათ 90% თავისუფლად შედიან ფეისბუკზე, მაგრამ იგივე 90% მეხუთეკლასელი სიტყვას ვერ გაამუქებს.....  

ამასგარდა  თბილისიგან აბსოლუტურად განსხვავებული სიტუაციააა რეგიონებში. ჩემი მოკრძალებული გამოკითხვით, (ახლობელ პედაგოგებში გაკითხვით) უკეთეს სიტუაციაში მხოლოდ მოსწავლეთა 30% აქვს ბუკამდე კომპიუტერთან შეხება. შესამისად როგორ ფიქრობთ, ქართულის მასწავლებელი, რომლემაც დღეს ასო ხ უნდა ასწავლოს და რომლის მოსწავლეთა გინდა 50%-მა კომპიუტერის ჩართვა არ იცის, რატომ მიიღებს გადაწყვეტილებას, მოდით ბავშვებო კომპიუტერზე ვნახოთ.... თუნდაც 4 მოსწავლე ყავდეს კლასში, რომელიც დამოუკიდებლად ვერ ჩართავს და ვერ მიყვება ინსტრუქციას, მნიშვნელოვნად შეუშლის ხელს ასო ხ-ს შესწავლას, სანამ ამათ კომპს გაუმართავს, მანამდე სხვები თამაშებს ჩართავენ და ა.შ.......

(ამწუთას მომწერეს 1-1 სკოლაში წლევანდელ (2015) 16 პირველკლასელიდან მხოლოდ 2 ჰქონდა კომპი სკოლამდე. ვინც წელს მოვა 18 დან 4 აქვს)

მოკლედ პირველ კლასშივე უნდა ისწავლებოდეს თუნდაც ეგ კლასის მართვა....

შემდეგი სიტუაცია

თუ ეს საგანი ამოღებული იქნება,. პედაგოგებისთვის მნიშვნელოვანი სიგნალი იქნება რომ ბუკებით სწავლება არაა მნიშვნელოვანი. ბევრიც ნიშნისმოგებით დაიწყებს, აი ხომ ვამბობდი, არაა ბუკი საჭირო, ვიღაცა მიხვდა ეტყობა და ამოიღესო....

შედეგად ბუკების ჯგუფის მთელი შრომა წყალში ჩაიყრება და გამოვა რომ ამდენმა ხალხმა ტყუილად იშრომა. მანდ ისედაც მძიმე სიტუაციაა, და არამგონია ისტის გაუქმებამ პირველ კლასში სასრგებლოდ იმოქმედოს ამ სიტუაციაზე

და ბოლოს, მე არ მინდა განათლებას შემოვრჩე იმ ტრენერად, ვინც მხარი დაუჭირა ისტ-ის ამოღებას. საკმაოდ სარისკო გადაწყვეტილებააა და ყველანაირად წამგებიანი

რომ შევაჯამო ჩემი მოსაზრება: ყველაზე ოპტიმალური და  გამართლებული იქნება 

1. გამჭოლ კომპეტენციებშიც დაემატოს, ძირითადი საგნების სტანდარტებშიც (ცალკე მათემატიკაში, ქართულში, ბუნებაში) და ცალკე საგნადაც ისწავლებოდეს. ვფიქრობ ერთი მეორეს არ უშლის ხელს 

   

მეორე უარესი

დარჩეს ცალკე საგნად

მესამე კიდევ უფრო უარესი

დაემეატოს გამჭოლ კომპეტენციად

ცალკე გავაგრძელებ მაღალ კლასებში სწავლებაზე და კიდევ ცალკე პროგრამირება ალგორითმიზაციაზე

ვრცლად

8 მარტს გილოცავთ!

ვრცლად

ინტელის ტრენინგი

27  თებერვალს დაიწყო ტრენინგი გლდანი-ნაძალადევის  N132 საჯარო სკოლაში ამავე სკოლის პედაგოგთათვის.

ვრცლად

ინტელის ტრენინგი

7  თებერვალს დაიწყო ტრენინგი მცხეთის მუნიციპალიტეტის N1 საჯარო სკოლაში მცხეთის რაიონის პედაგოგთათვის.

ვრცლად